The Ultimate Rock Puffin

2007-01-19T17:04:00.000Z

Nýtt ár, nýtt blogg, nýtt heimili, allt nýtt...

Ég hef staðið í ströngu undanfarið... þurfti að taka nokkur endurtektarpróf í byrjun janúar, og svo daddara... flutt að heiman ;) Og í tilefni þess hef ég ákveðið að færa mig um set hérna í bloggheimum í 2.skipti. Ég mun sakna blogger, en blog.is mun taka við mér með opnum örmum á http://rosagreta.blog.is

Ég þakka samfylgdina... að eilífu amen!

Nuff said...

2006-12-25T17:25:00.000Z

Gleðileg jól!

2006-12-16T21:20:00.000Z

Vitneskja dagsins

Hefurðu einhvern tíma velt fyrir þér hvað Boong-Ga Boong-Ga er? Nú geturðu komist að því HÉR!!! Þökkum Sigurði Júníussyni fyrir þetta useless info en aftur á móti áhugavert að vita svona hluti, gæti komið sér vel... einhvern tíma... hver veit!

2006-12-08T12:18:00.000Z

Tímarnir breytast og mennirnir með

Ég og Bára erum oft í djúpum samræðum, hvort heldur sem er á msn eða augliti til auglitis... Oftar en ekki þegar við erum undir áhrifum sökkvum við djúpt í heimspekilegar pælingar. Man ég sterklega eftir því t.d. í sumar þegar við vorum staddar í Grundarfirði inni í tjaldi. Ég var að skríða inn í tjaldið með síðasta bjór kvöldsins og Bára hálfsofandi... en þá fannst okkur nauðsynlegt að ræða kirkjur landsins á alla mögulega vegu, og ég talaði meira að segja dálítið hátt... Fanneyju til mikillar mæðu haha! Ég veit ekki hvers vegna þetta gerist, en við Bára förum oft að ræða hluti sem fólk er vanalega ekkert að ræða við hinar og þessar kringumstæður!

En burtséð frá því, þá vorum við að ræða myndatökur áðan. Ég man eftir því að hafa fengið fancy myndavél í fermingargjöf, sem var EINUNGIS fyrir 9 árum síðan... hún var alveg það töff og nútímaleg að filman í hana var öðruvísi í laginu en í venjulegar myndavélar og tók alveg 32 myndir! Nota bene... FILMA, hver notar filmur nú til dags? Munið þið ekki eftir því þegar maður keypti bara 24 mynda filmu og lét það duga, og það var alveg rosalega mikið þegar fólk keypti 36 mynda filmu? Nú er það ekkert tiltökumál ef maður tekur 300-1.000 myndir í fríinu.

Eins með GSM símana. Nú eignaðist ég fyrsta símann minn í byrjun ársins 2000 eða í lok 1999 en fyrir þann tíma fékk ég að senda sms hjá vini mínum og fannst það voða töff þegar ég fékk send skilaboð í símann hans. Eyrún, manstu ekki þegar ég var að senda þér? Held þú hafir verið sú eina sem ég þekkti á þessum tíma sem átti GSM!

En heyrðu, áður en ég fer að hljóma eins og gömul kona að tala um orf og ljá og sláttuvélar... þá ætla ég að hætta!

2006-12-06T13:37:00.000Z

Meira um próf

Verður maður alltaf veikur í prófum? Er þetta eitthvað samsæri?? Svo vinna heilsugæslulæknar bara frá 10-15 og ekki séns að fá tíma fyrr en eftir 2 vikur! Andskotinn! Ég var samt að segja við Báru rétt áðan, hvort læknar fái nokkuð einhver alvöru tilfelli upp á borð til sín á heilsugæslustöð... eins og drep í tá, ígerð í endaþarm eða eitthvað álíka...! Ætli þetta sé ekki bara endalaust fólk með kvef, hálsbólgu, hita, foreldrar með paranoju út af börnunum sínum og gamalt fólk sem á enga vini og fer út á heilsugæslu til að spjalla?

Maður spyr sig... kannski er ég bara svona bitur!

2006-11-30T19:10:00.000Z

Prófahúmor...

Jana segir við Rósu: "Ertu heterosexual?"
Daníel: "HA? Ertu hetja frá Svíþjóð?!"

Niðurstaða: endalaust hláturskast...

2006-11-28T18:29:00.000Z

Próf

Þegar ég er að læra, dettur mér alltaf í hug að gera eitthvað annað. Browsa allar hinar mögulegustu og ómögulegustu síður á netinu. Reyndar held ég að ég lesi ofsalega mikið í prófatíð, bara ekki um rétt efni!

2006-11-20T08:59:00.001Z

Ég á ekki til eitt aukatekið orð!

Ég er sko orðlaus. Eða eiginlega ekki, hef alveg margt um þetta að segja, en maður segir bara alltaf svona! Ég var semsagt komin út kl. 08:20 í morgun, þegar ruslabíllinn er einmitt að fara af stað gegnum götuna mína. Jújú, ég tölti út að bílnum mínum, býð sorphirðumanninum góðan daginn sem er að lufsast gegnum snjóinn úti á stæði upp að ruslatunnunni okkar. Nei, ekki hafði karlskarfurinn nú fyrir því að bjóða góðan daginn á móti, heldur öskraði að mér einhverjum fúkyrðum og dónaskap fyrir það að vera ekki búin að moka frá tunnunni. Mér fannst þetta svo óviðeigandi!

Í fyrsta lagi þá var bíllinn minn ekki einu sinni fyrir utan húsið, heldur fyrir utan næsta hús, þannig að tæknilega séð hefði ég bara getað verið gestur í húsinu. Í öðru lagi, þá er það kannsi ekki alveg í forgangi sama dag og það fennir í kaf í hverfinu mínu, að fara að moka frá ruslatunnunni! Í þriðja lagi hefði hann bara getað skilið hana eftir og látið ábúendur sitja í súpunni með fulla tunnu!

Ég var voða kvenlega klædd, með leðurhanska og í ullarkápu... en hefði ég verið í strigaskóm og kuldaúlpu hefði ég sko rokið í fíflið. Ég veit það vel að maður á að moka frá ruslatunnunni heima hjá sér en góðan daginn hérna! Mér var skapi næst að hringja eitthvert og kvarta, en í staðinn ætla ég bara að vorkenna honum fyrir að vera svona mikill fæðingarhálfviti.

2006-11-17T02:35:00.000Z

Krútt

Maggi vinur minn sendi mér þetta video hérna fyrir neðan... og ég sendi það áfram á Smára bróðir... og viðbrögðin voru:

Clover says:
barnið hlær einsog þú

Er eitthvað til í því að ég hlæji eins og barnið? Ef svo er, þá tek ég því bara sem hrósi!

2006-11-15T15:52:00.000Z

Listin að tala og skrifa...

Ok, ég hef fullkomnunaráráttu þegar kemur að stafsetningu og málfari. Ég umber reyndar innsláttarvillur á MSN og fyrirgef fólki sem er lesblint, annað væri nú bara ljótt!
Ég rakst á þrennt í dag sem gjörsamlega fór í mínar fínustu...

Útileiga: Hvað í andskotanum?!? Getur fólk ekki séð að þetta orð er vitlaust? Maður fer ekki í útileigu, heldur útiLEGU... LIGGJA, ekki leigja!!!

Oktonber: Ok... ha?! Hvað er okton???

Setenber: HVAÐ ER SETEN???

Endilega deilið með mér pirringi á einhverjum svipuðum villum sem þið hafið heyrt/lesið... I like it

p.s. hver skrifar "arnold swesseneger" ... hættu nú alveg!!!

2006-11-07T09:11:00.000Z

Morgungalsi?

Ég var að spá... Getur maður ekki verið með morgungalsa? Svona eins og svefngalsa? Ég er allavega að tala við vin minn á MSN at the moment, og mér finnst ég svo afskaplega hnyttin og skemmtileg! Klukkan er samt bara rúmlega níu á þriðjudagsmorgni og ég frekar illa sofin, en þrátt fyrir það tekst mér að fá "haha" eftir nær allt sem ég segi. Bíddu nú við... kannski er hann að hlæja að mér, en ekki með mér, damn you...!!!

Sko... þetta byrjaði allt í fæðingu, þá vildi ég ekki út. Ég er allt of mikið kúrudýr og þurfti því að toga mig út með klukku sem hafði þau áhrif að ég varð eins og afsprengi Conehead... því held ég að það séu engar myndir til af mér nýfæddri, þ.e.a.s. brand new... út af keiluhöfðinu! Þetta hefur fylgt mér dáldið gegnum ævina, þ.e. ekki keiluhausinn, heldur það að gera hlutina flókna og erfiða... Hins vegar, á einhvern undraverðan þátt, tekst mér í flestum tilfellum að klóra mig út úr því, með litlum skrámum! Ég held ég hafi sjaldan, eða aldrei farið "the easy way out" og ómeðvitað geri ég það kannski aldrei!

En já, það er önnur saga... hins vegar er ég ennþá í galsanum, alveg sko... living la vida loca! Ég er að spá í að segja nokkra brandara í viðbót áður en ég verð boring aftur, held það sé svona happy hour í gangi hjá mér, eins gott að nota það!

Hehe... ertu að fatta myndina? hehehe get it, happy hour ;) hahaha!
Ok, búið

P.s. já þessi mynd er úr Nesu ferðinni. Hins vegar held ég að ferðasagan rati aldrei hingað. Ég kem kannski í mesta lagi til með að lauma inn einni og einni mynd, eins og ég geri núna með þessari færslu...
Eins og Viper, Jarkko og Jukka sögðu: "What happens at a conference, stays at a conference!"

2006-11-01T13:58:00.000Z

Tja... eftir ráðstefnuna er ég ekkert hissa!

2006-10-27T09:45:00.000Z

"Ko-ko-ko-koskeeen...ko-ko-ko-kooorva...!"

Langadi bara ad lata vita ad eg er a lifi herna i Danaveldi, ørlitid threytt og sjuskud en svona tiltølulega heil a gedi!

Vid erum bunar ad læra hina ymsu frasa a finnsku, asamt drykkjuvisum sem verda kyrjadar til hins ytrasta thegar vid komum heim. Finnar drekka dry vodka i øll mal og eru eiginlega drekkandi allan solarhringinn og kyrjandi thessa søngva sina... Their eru eitthvad abnormal, thad rennur alkohol i theirra ædum og lifrin er a stærd vid melonu!

Eg er nu ekki buin ad versla mikid, en hef verid ad skoda H&M mjøøøg vel, thannig ad eg veit i hvada H&M bud eg get nad sem mestum "arangri" a sem minnstum tima a morgun thegar eg a fri!

En jæja, vid ætlum ad fara ad eta eitthvad... eda jafnvel fa okkur bara einn kaldan, thad er oft langt sidan vid opnudum thann sidasta!

Hilsen fra Danmark!

2006-10-18T20:26:00.000Z

Sumir hafa þetta bara í blóðinu...

Þessi er 4 ára og heitir Igor Falecki

Þessi er líka 4 ára og heitir Isaiah Chevrier

2006-10-17T11:35:00.000Z

5 days... and counting

...Myndin er í boði Tinnu, sem sýnir hér snilligáfu sína í Paint

2006-10-10T17:53:00.000Z

Washing day...

Ok... Stöð 2 er komin á mitt heimili aftur, eftir dálítið hlé... og ég datt inn í Bold and the Beautiful rétt áðan - hahaha, hef EKKERT séð þetta síðan einhvern tíma þegar ég var krakki. Fyrsta atriðið fjallar um stóra dökkhærða gaurinn... Ridge, Roger, Ross eða eitthvað og einhverja konu sem mig minnir að hafi líka verið eitthvað issue þegar ég sá þetta fyrir svona 10 árum or something!!!

Já, hlæjið bara - eitthvað verð ég að nota tímann í meðan ég er að þvo... ekki fer ég að læra, nei það er of skynsamlegt!

P.s. - hvar í andskotanum fær maður svona poka til að setja brjóstahaldara í, í þvottavél ?!? Ég var að enda við að eyðileggja eitt stk og hugsanlega skaða þvottavélina - Sjett!

2006-10-07T04:19:00.000Z

Ehhm...

Ok, hvað er í gangi? - Ég get ekki opnað myndaalbúmið mitt lengur ?!?!

2006-10-02T09:50:00.000Z

"Meira í dag en í gær..."

Baðvigtin á mínu heimili hefur sjálfstæða hugsun. Í gær ákvað hún að létta mig um einhverja tugi kílóa... svei mér þá! Ég ákvað nú SAMT að þetta væri ekki satt nema þá það að þyngdaraflið hafi brenglast allt í einu. Ekki það að ég hafi haft eitthvað á móti þessari tölu sem blasti við mér. Talandi um að grennast í svefni ?!?! Hún hafði þó áttað sig í morgun þegar ég steig á hana. Þetta er ekki alveg í fyrsta skipti sem hún tekur upp á þessu, þannig að ég hef ályktað að valkvíði hrjái greinilega fleiri en mannfólkið!

En að öðru...
Skólinn gengur svona og svona... ég er ekki dugleg að vakna á morgnana, enda gjörsamlega óþolandi stofa sem við erum í á þessum ókristilega tíma. Svona miniature bíósæti með oggulitlum glerborðum fyrir framan. Svo ef einhver vill komast inn fyrir mann þarf maður án gríns að taka allt dótið sitt saman og standa upp með allt í fanginu. Nei takk, frekar sef ég aðeins lengur og les efni tímans uppi í MBL seinna um daginn... eða bara ekki, og verð alveg úti á þekju um hvað námsefnið er - en ég næ þó nægum svefni!!!

"Útlendingaeftirlitið" gengur annars vel og er ég að íhuga að bjóða mig aftur fram sem buddy á næstu önn. Enda hefur þetta haft góða hluti í för með sér, tala meira um það seinna... þegar það er 100% víst ;)

Mig langar svona í lokin að óska Tullu innilega til hamingju með afmælið 29.september, þar sem mér tókst að gleyma því en hafði montað mig af því daginn áður að þetta væri einn af fáum afmælisdögum sem ég myndi alltaf eftir því ég kynni sko kennitöluna hennar utan að síðan hérna í den þegar ég fékk að nota gamalt debetkort frá henni til að komast inn á staði niðri í bæ þegar ég var ekki orðin tvítug. Klöppum fyrir Tullu!

2006-09-29T00:27:00.000Z

Hugmynd...

Strákar... HÉR er hugmynd að atriði fyrir X-Factor! ...og HÉR er önnur góð hugmynd... alltaf klassísk!

2006-09-16T18:26:00.000Z

Jeg ringer på fredag....

Jæja, ég og Jana skutluðum okkur í bátaferð VD í gær, ofsafjör... og ofsagaman! Ég var reyndar örlítið sein í því og fór á öðru hundraðinu úr Grafarvoginum niður á höfn rétt fyrir sex... það er svona að lenda í helvítis umferðaröngþveiti hérna á Vesturlandsveginum á leiðinni heim, sveitt eftir spriklið í Baðhúsinu (eða reyndar svitinn farinn að storkna eftir setu í bíl í HÁLFTÍMA...oj!) - dísús - EN JÆJA, nóg um það!

Jana átti línu kvöldsins þar sem hún leit tælandi augnaráði á gítarleikara kvöldsins og sagði: "Ef gítarinn þinn bilar geturðu komið og spilað á mig" - Ég held að gaurinn hafi samt ekki fattað að þetta væri grín fyrr en ég, Inga Lára, Jóhanna og Maggi vorum öll þarna í kring hlæjandi...

Ferðin heppnaðist vel þó það hafi verið frekar fámennt! Viðskiptadeild, hvað er að ske?!?
Þar sem ég var bílandi, fengum við þær upplýsingar hjá Fireplace-Bear að eftirpartýið væri í Breiðfirðingabúð og taldi ég mig sko vita hvar hún væri, heldur betur! Það endaði ekki betur en það að ég misreiknaði mig aðeins og enduðum við í Skaftfellingabúð. Jæja, við fundum svo Breiðfirðingabúð eftir smá rúnt og spjall við 118 - en það var víst ekki rétt BÚÐ! - En eftir nokkur símtöl (þ.á.m. aftur ágætis spjall við 118) og eftir að hafa hitt skemmtilegasta starfsmann í lúgu sem bauð alla "HJARTANLEGA" velkomna, komumst við á réttan stað... Húnvetningabúð! Það partý var nú eiginlega dautt svo við flúðum í miðbæinn en fórum svo bara snemma heim, enda prúðar ungar konur *hóst*

2006-09-05T21:58:00.000Z

Make-over

Það var kominn tími á smá breytingar!!! Takk fyrir lit og klipp Guðrún Edda, it's awesome!!!

Fyrir - Eftir

2006-09-04T20:56:00.000Z

Dagar víns og rósa

Jæja, komin tími til að halda áfram með þetta blogg...

Albufeira, Alvarve - Portúgal:

Frábær ferð!
Við litum sjaldan á klukkuna, sváfum þegar við vorum syfjaðar og borðuðum þegar við vorum svangar... mikið hangið í sundlauginni og á bakkanum (jafnvel um miðjar nætur), 35-40°stiga hiti á daginn, góður matur á kvöldin og mikið áfengi í kjölfarið... sundlaugarteiti, live tónleikar á hverju kvöldi á Matt's Bar, 2 umferðir í Algarve Shopping o.fl. o.fl. ;)
Við vorum orðnar frekar góðar í því seinustu dagana í ferðinni að forðast "Pablo from yesterday", gæja sem var alltaf að kynna hinn og þennan pöbb á kvöldin og dró okkur fram og til baka til að fá frítt skot og 2 fyrir 1...
Við gerðum nú ekki margt crazy enda fórum við fyrst og fremst til að slappa af! Ég hitti þó einn Breta sem langaði óskaplega að kynnast mér nánar... eða "get in my pantyhose" - en ég bauðst bara frekar til að lána honum þær ef hann langaði svona í þær! Tinna eignaðist svo aðdáanda sem var þjónn á veitingastaðnum sem við borðuðum á síðasta kvöldið sem sönglaði "You and me..." þegar hann labbaði framhjá borðinu okkar og allt þar fram eftir götunum hehe!

Hérna koma nokkrar myndir frá ferðinni, kannski set ég fleiri inn seinna... eða læt þetta bara duga, kemur í ljós!

Í réttri röð að ofan:

1 - Við fyrsta daginn, skrunuðum niður á strönd en ætluðum varla að rata til baka!
2 - TOTTA Bank... hahaha segir sig sjálft
3 - Áhugaverðasti sjálfsali á klósetti á skemmtistað sem ég hef séð
4 - Það var mikið drukkið af ofskreyttum kokkteilum
5 - Hittum trúða sem bjuggu til þessa blöðru fyrir okkur... ehemm!
6 - Hehe, þessi miði var bara fyndinn... dans aulanna ;) hoho
7 - Sundlaugin á hótelinu, lítil en gerði alveg sitt gagn!
8 - Við eftir langan dag hjá og í sundlauginni, bikinífar ha?!?
9 - Ég að tjekka á typpinu á þessum indjána í einhverri souvenir búð - frekar spes!
10 - Steve-Gary-Andrew(hehe vissum fyrst ekki alveg hvað hann hét) - gaurinn sem á barinn á hótelinu
11 - Nick, lítið krúttlegt hundgrey sem hélt til á hótelinu okkar
12 - Steve-Gary-Andrew manaði okkur til að hoppa út í sundlaug eina nóttina þegar við komum heim úr bænum, alveg mest hressandi!!!
13 - Síðasta kvöldið okkar fórum við að borða niðri í gamla bæ, þar voru þessir indjánar að spila "Panpipes play Abba" allt kvöldið!
14 - Ég og poppmaðurinn ógurlegi
15 - Sólin að koma upp daginn sem við fórum heim, ég vaknaði kl. 7 og gat ekki sofið út af hitanum

2006-08-21T18:29:00.000Z

Köld vatnsgusa...

Krakkar... eftir 12 tíma verð ég á leiðinni í fyrsta skipti á ævinni til sólarlanda... are you getting it... 'cause I'm not!!!

Og Tinna var að koma með þær fréttir að hitinn þarna úti verður á bilinu 34-36° næstu vikuna... shit ó boj!

2006-08-21T11:44:00.000Z

En furðuleg bók...

ÞETTA er með furðulegri bókum sem ég hef rekist á...

Annars er brottför til Portúgal eftir 18 klukkustundir!!!

2006-08-20T18:08:00.000Z

ATH, eftirfarandi færsla er skrifuð án gleraugna...

Sjjjiiiitt hvað það er súr húmor í gangi í færslunni hérna á undan!!!

En hey, helgin er búin að vera frábær, ég svaf til hálfsex í dag, geri aðrir betur! Útilega HR á föstudaginn var súper og svo hristum við Vigga af okkur rassinn á Sálarballi í gær þar sem ég vígði einnig nýja rauða danskjólinn minn!

Heyrðu... svo er það bara Portúgal eftir 2 daga... 2 DAGA - SHIT!!! þá verður sko tanið workað... ;) (gott að eiga bróðir sem er alveg með svona slang á hreinu, þá get ég verið í the IN-crowd!)

Ég held ég hafi komist nánast klakklaust í gegnum þessa bloggfærslu án gleraugnanna, skemmtilegt challenge at arna!

2006-08-16T01:55:00.000Z

Brandari dagsins...

Tinna (horfir girndaraugum á bílstjóra í næsta bíl við okkur á ljósum) : "ssssjitt, viltu koma í sleik?"

Peter (mjög hissa) : "Did you just call him a snake?"

2006-08-14T21:45:00.000Z

Buddy news

Peter skiptinemagæji kom til landsins í dag... Jana kom með mér út í flugstöð til að ná í kappann og rúntuðum við svo með hann um alla Reykjavík... Við enduðum svo bara á því að skella okkur út í Viðey með manni sem Jana er að vinna með. Þar sem sá maður er í hjólastól varð þetta alveg work-out dagsins fyrir okkur öll, að ýta grey manninum úti í Viðey! ... en bara gaman :) Sátum í sólbaði og fengum okkur kaffi og með því!
Brilliant gaur í alla staði, held hann eigi alveg eftir að fíla sig hérna á klakanum í vetur... enda ekki að koma hingað í fyrsta skipti.

Peter í góðu geimi í Viðey!

2006-08-11T18:47:00.000Z

Bíddu... er ég í minni eigin tölvu og ha... hefur hún ekkert lagast?!? Skrýtið!!!

2006-08-09T01:50:00.000Z

Gapandi með gæsahúð!

Mér fannst Magni frábær í kvöld í Rockstar... algjörlega tussugóð frammistaða! Ég tek aaallt til baka sem ég sagði í vor þegar ég efaðist um hann - Uss... vá maður!

2006-08-07T16:51:00.000Z

Það er lygi...

Ég er ekkert ALLTAF með grettu á myndum... bara stundum!

2006-08-02T14:43:00.000Z

Needs no title...

ÞESSI SÍÐA er með því skondnara sem ég hef rekist á um dagana.... þarna eru listuð öll hin mögulegustu viðurnefni kynfæra karla og kvenna, brjósta, þess tíma sem kallast: "sá tími mánaðarins", sjálfsfróunar karla og kvenna... auk skemmtilegra linka...
"Things NOT to say during sex" og "Comedy Porn Titles"

Ég er allavega búin að hlæja endalaust að þessu!

... NJÓTIÐ VEL!!!

2006-07-31T10:03:00.000Z

Góð stund í Grundarfirði... taka tvö!

Ég, Bára, Sólrún, Eva María og Fanney lögðum land undir fót á föstudagskvöldið og lá leið okkar í Grundarfjörð á Góða stund, líkt og í fyrra um sama leyti! Mikið gekk á um helgina eins og búast má við þegar 5 fræknar fraukur leggjast í víking en umfram allt vorum við ljúfar og prúðar ;) Ég ætla nú ekki að lýsa helginni í smáatriðum heldur koma hérna með nokkra góða punkta og tilvitnanir frá helginni :)

Það er alltaf hægt að nota "því er ei að leyna" og "þú veist hvað ég meina" í kveðskap.

"Ó Grundarfjörður, þar sem fann ég þig Hörður... mjúkur er þinn hársvörður... "

"Við sem tjöldum í gula hverfinu.... besta hverfinu... gula hverfinu!"

"Sagði hann æðahnútar eða ermakútar? ...eða jafnvel kríuungar?"

"Ég vil nú ekki vera að troðast" <--- Algjörlega setning helgarinnar!

"Almar... Kári eða Almar Kári?"

"Ég var að prumpa!" eða "Ég þarf að prumpa" og jafnvel "Þetta var ég, ég var að prumpa!" - Allt vel notaðar setningar um helgina...

"Ég er með svo svakalegan pípara"

"Stelpur, bjórinn fer bara í dekkið!"

Skrýtin stelpa með gula derhúfu: "Er þetta fallhlíf á snúrunni?"
Rósa og Eva: "Já, við komum með einkaflugvél og hentum okkur út í fallhlíf hérna fyrir ofan"

"Það er ball á döfinni..."

Eva: "Stelpur, á ég að segja ykkur söguna á bakvið Kirkjufellið..."

Jobbarnir eru algjörlega frábært fólk!

Við sáum án efa skringilegasta leikrit allra tíma á laugardaginn... vitum ekki enn hvernig það endaði en það fjallaði um eitthvað brúðkaup! Við sáum t.d. mann labba niður vegg í kaðli, konu í bleikum prinsessukjól og gulum stígvélum hlaupa um og smúla fólk með brunaslöngu, fólk henda sér í sjóinn, svartklædda menn elta gulstígvéluðu konuna með arma á lofti... Við eiginlega gáfumst upp og fórum heim í tjald, þetta reyndi of mikið á hausinn að finna út úr þessu einhvern gáfulegan söguþráð!

Paparnir stóðu sig ágætlega á ballinu á föstudaginn, þrátt fyrir hita og svita... og svo dansaði ég af mér rassinn á Sixties balli á laugardeginum, það var nú meiri snilldin!!! Brot af bandinu ákvað svo að kíkja í tjaldpartý til okkar eftir ballið, þar sem þeir gistu hjá Jobbunum... æ, þeir eru nú ekki alveg fýsilegir drengirnir, eða ætti maður að segja mennirnir?

Frumþarfir á við að fæða sig og klæða, baða sig og fara á klósett... eru alveg sssssstórkosssssstlega vanmetnar þarfir!

Á leiðinni í Grundarfjörð voru samdir hinir ýmsu lagatextar og vísur og af einhverjum ástæðum var mikið samið um Hörð... og var samið um það að sú sem myndi næla í Hörð fengi kassa af bjór... og þrjá til viðbótar ef hann yrði klófestur inni á ferðakömrunum niðri á bryggju! ...Engin Hörður fannst þó um helgina svo hann bíður betri tíma greyskarnið!

Ferskleiki var ekki orðið yfir það þegar við vöknuðum á morgnana... fólk gjörsamlega blindaðist af geislandi fegurð okkar!

Umfram allt var helgin sssstórkossstleg og vona ég að þessi ferð verði árlegur viðburður hjá þessu ssssérlega ferðafélagi ;)

2006-07-27T09:09:00.001Z

On a daily basis...

Ég vaknaði kl.08:00 í morgun en náði samt að fara í sturtu, klæða mig(og þá erum við að tala um að ég gleymdi ekki einu sinni að fara í brjóstahaldarann... já það hefur gerst!!!), fara í skó, setja á mig gleraugun, setja í mig eyrnalokka nota bene!, kemba hárstrýið og kippa með einni jógúrt til að sötra í vinnunni... á 7 mínútum... Í framhaldi af því lenti ég á öllum mögulegum rauðum ljósum á leiðinni í vinnuna, sem eru reyndar bara 4 en samt... tefur mig um nokkrar mínútur og fyrir mig er það slatti þar sem ég reyni ómeðvitað að mæta alltaf á mínútunni í vinnuna, mjöööög sjaldan of snemma, þó það gerist jú stundum alveg! SAMT sem áður var ég mætt í vinnuna kl. 08:17 sem er eiginlega hálfgert kraftaverk!

Ég er öll brúnflekkótt á höndunum eftir að hafa litað hárið á Tinnu í gær, útskýri það bara þannig að ég hafi heilsað svörtum manni í gær og hann hafi bráðnað yfir mig því ég er svo hot... hohoho!

Rockstar fór ekki vel í mig í gærkvöldi, ég vil bláa spandexfríkið út... takk fyrir pent! Hún fer í taugarnar á mér... svo vil ég að Píkan og Djill hrynji líka út...

Heyrðu, svo er ég byrjuð í einu námskeiði á sumarönn uppi í skóla. Það skilja mig fáir að nenna þessu en ég er búin að gera alla brjálaða í kringum mig í svona mánuð þar sem ég hef ekki talað um annað en það að hlakka til að byrja í skólanum.

Ég setti inn myndir af okkur Báru frá þjóðhátíð 2005 í myndasamkeppni á ogvodafone síðunni og viti menn... við höldum okkur í topp 4 með báðar myndir... sem er alveg hryllilega skondið! Kannski, eins og Bára benti svo réttilega á, þá verðum við niðurhalanleg skjáhula fyrir fólk ef við vinnum þessa keppni? Farið inn á OGVODAFONE.IS og kjósið rétt...

Jæja krakkar, þá er ég búin að tipla á tánum yfir það helsta í fréttum í dag,
I'll be here all week... you stay classy San Diego

P.s.
Síða vikunnar er í boði Sonju sem benti mér á hana svo snilldarlega hérna í comment á síðustu færslu

---> How Do You Like Iceland? <---

2006-07-25T14:36:00.000Z

Allt er nú til...

CLICK ME!

2006-07-12T08:33:00.000Z

Place your ad here

Í framhaldi af commentum á síðustu færslu hjá mér hef ég ákveðið að vekja upp umræðu um auglýsingar í íslensku sjónvarpi.

Númer eitt:

Íslendingar hafa tendence til að talsetja erlendar auglýsingar... jújú aðrar þjóðir gera það og kannski ekkert skrýtið við það þannig séð. Hins vegar skil ég ekki Renault Megané auglýsinguna... you know, þessi með alla rassana... AF HVERJU talar maðurinn, sem talar inn á auglýsinguna, með frönskum hreim?!? Mér líður án gríns illa að horfa á þessa auglýsingu út af því. Jú ok, ég veit að það eru ekki allir sem geta lesið texta sem er settur á erlent sjónvarpsefni en ómæ, af hverju að tala íslensku með frönskum hreim bara því auglýsingin er frönsk?!

Númer tvö:

Helvítis Húsasmiðjuauglýsingin þar sem dökkhærð lítil kona gerir allt sjálf því það er svo auðvelt... og allir svo hjálpsamir í Húsasmiðjunni. Vei vei... öll dýrin í skóginum eru vinir!

Númer þrjú:

Bíddu eigum við að ræða allar ræstivöruauglýsingarnar þar sem allt gerist án þess að þurfa að hafa fyrir því...

"Lalala úps hellti niður á mig rauðvíni... en það reddast með undraefninu sem er alveg náttúrulegt og jafnvel hægt að nota sem skreytingu á köku!"(reyndar lygi en gæti verið gott punchline!)

"Nei hva er að sjá baðherbergið, ég ætla bara að taka þessa tusku hérna, brosandi út að eyrum, renna henni létt yfir allt saman og þá glansar allt eins og nýtt!" (og ég ætla by the way að líta út drop dead gorgeous á meðan!)

"Uss sjáðu fituna á veggnum bakvið eldavélina... obbosí, spreyjum með þessu undraefni sem einnig er hægt að nota sem ilmvatn einu sinni á vegginn og allt verður í lagi!" (Afsakið mig en hver er að þrífa bak við eldavélina sína svona on a daily basis?)

...Allar talsettar by the way!

Númer fjögur:

Bubbaauglýsingarnar...

Númer fimm OG sex:
Bætt við eftir comment frá Eyrúnu

Helvítis Orkuveituauglýsingin... what the fuck! HVERJUM datt í hug að þetta væri sniðugt. Mig verkjar í rófubeinið þegar ég neyðist til að horfa á þessa auglýsingu!

Númer sjö:

Íslendingar eiga samt alveg góðar auglýsingar... eins og t.d. KB banka auglýsingarnar, Heimsborgarinn, Lýður lottómaður, nýju Vís auglýsingarnar o.fl. og hlakka ég til að sjá t.d. meira af KB auglýsingunum sem eiga að koma á næstunni...

En jæja, ég ætla að halda áfram að vera kvefuð og hálflasin í vinnunni... vorkenn mí!

2006-07-11T09:10:00.000Z

Orð-Ó-heppni

Mér datt í hug...

Nr.1 -

Slagorð fyrir þungunarpróf -----> "Leynist bumbubúi í þér?"

2006-07-07T16:56:00.000Z

Sælir eru einfaldir...

Talandi um að vera orðin þreytt í vinnunni seinnipart á föstudegi...

Mission:

Horfa á blað, lesa og skrifa í word: "Eldvarnarhurð úr stáli"

Niðurstaða:

"Eldvarnarhurð úr slátri"

... og ég er búin að hlæja í svona korter að þessu... Simple minds, simple pleasures!

2006-07-07T13:08:00.000Z

Föstudagsfiðringur...

Footloooooose í kvöld, afmælispartý í kvöld...

Afmælispartý á morgun...

Nóg að gera úje...

Löggimann færslan er víst alvarlegri en ég hélt og mun ég því ekki skrifa meira um þetta mál

2006-07-04T09:27:00.000Z

Pollarnir* í vandræðum?

Það hringdi hérna maður fyrir fáeinum mínútum síðan...

Rósa sumarblóm(með seiðandi röddu): "Ístak góðan dag..."
Karlmaður hinu megin á línunni: "Góðan daginn... blu blu heiti ég og hringi frá rannsóknarlögreglunni í Reykjavík..."
Sumarblómið(með tælandi röddu): "I love a man in uniform..."

...og svo byrjuðum við auðvitað að klæmast í símann.

Nei bíddu vó.... tapaði mér aðeins þarna ;) Þetta síðasta er haugalygi en eitthvað spennó er í gangi samt... einhverjir pollarnir í vandræðum eða hvað ? Kannski hafa tölvudrengirnir hakkað sig inn í Landsbankann eins og Eyrún sagði? Ég læt vita ef löggimann kemur og handjárnar einhvern...

*pollarnir = Pólverjarnir

2006-06-30T13:22:00.000Z

Summerly...

Dísús... það kom bara grillbíll hingað í hádeginu,grill, rautt, hvítt og bjór og ís í eftirmat... sjetturinn! Ó boj hvað það er samt ekki sumarlegt úti... kálið fauk bara af disknum hjá mér í "sumargolunni"!

2006-06-30T00:17:00.000Z

Last Saturday...

Nuff said...

2006-06-27T13:27:00.000Z

Góð vísa er aldrei of oft kveðin...

Ég veit ég er búin að setja þetta hérna inn áður en seriously, þetta er sannleikurinn... Guð sagði það!

God Created Woman

God created woman and she had 3 breasts.

He then asked the woman, "Is there anything

you'd like to have changed?"

She replied, "Yes, could get rid of this

middle breast?"

And so it was done... and it was good.

Then the woman exclaimed as she was holding

the third breast in her hand, "What can be done

with this useless boob?"

And God Created Man.

2006-06-26T18:09:00.000Z

Djö...

Ég var að fá símann minn úr viðgerð... og tapaði allri símaskránni. Við erum að tala um að ég er ekki með eitt einasta númer... þannig að ég bið alla sem eru með númerið mitt í símaskránni hjá sér að senda mér endilega sms með númerinu sínu. Ég er með allhressilegan Alzheimer og man því takmarkað af símanúmerum... Takk kærlega...

2006-06-26T14:23:00.000Z

HÉRNA er japönsk falin myndavél... kreisí pípúl!

2006-06-22T09:33:00.000Z

Þjálfun, heilsa, vellíðan...

Heyrðu, ég og Eyrún fórum í skemmti/heilsugöngu í Heiðmörk eftir vinnu í gær. Díses hvað það var æðislegt... maður var alveg endurnærður á eftir, ég mæli með þessu! Það var margt um manninn þarna uppfrá og gerði ég óspart grín að fólki sem var að "skokka" eða svona... Af hverju labbar þetta fólk ekki bara eðlilega í staðinn fyrir að lötra áfram á hraða snigils með þar til gerðum "skokk" hreyfingum... Ég skil ekki svona, why bother?
Við sátum svo í grasinu og sóluðum okkur aðeins á eftir og viti menn... ég fann nothæft ýlustrá og blístraði eins og vindurinn! Alger snilld...

Ég er annars komin með sumarlegt hár, going blonde og stefni á að vera orðin platínumblondína fyrir haustið hehe... eða ekki!

Endurnar halda áfram að halda uppi fjörinu á tjörninni hérna fyrir utan Ístakshúsið og er kerlingin nú komin með tvo steggi upp á arminn og stunda þau hópleiki eins og þau fái borgað fyrir það, úlala...

Það er lítið annað að frétta af mínum vígstöðvum í bili og bið ég ykkur því vel að lifa!

p.s. mikið að gera í vinnunni, Kristrún er að föndra typpi hérna við hliðina á mér...

Nuff said...

2006-06-15T01:31:00.000Z

Beverly Hills...

Brandon: "She's older... must be at LEAST 23..."

og bíddu...

Brandon: "Dylan, you've been with a older woman, right ?"

Hahaha...

2006-06-09T18:26:00.000Z

Vitlaus... eða meira svona eins og ritlaus?

Ég hef verið ódugleg við að blogga. Hef bara ekki nennt að blogga vegna t.d. lítils áhuga fólks á blogginu... tökum sem dæmi færsluna hérna rétt fyrir neðan: "Hey... Þarf ég ekki að fara að halda partý bráðum ?"
- 1 comment... COMMON!!!

Allavega... ef líf mitt væri efnahagsreikningur væri staðan svona:

1. Ég er byrjuð í sumarvinnunni minni á skrifstofu Ístak sem er mjög fínt... komin með mastersgráðu í gluggaþvotti(long story) og farin að kunna vel við rafmagnsheftara. Andarpar hefur komið reglulega upp á síðkastið og haft mök á tjörninni fyrir utan gluggann hjá okkur og hefur það lífgað hressilega upp á daginn. Mér finnst einnig bókhald skemmtilegt, og já fojið og pojið bara... 'tis dandy indeed!

2. Það eru svona 10 manneskjur búnar að hringja í mig frá 29.maí til þess að bjóða mér vinnu... og þá síðast í dag hringdi kona frá fínu fyrirtæki hérna í bænum til þess að bjóða mér vinnu - ef ég gæti nú bara klónað mig... æ iss, ég fíla mig í ræmur hjá Ístak!

3. Ég náði ekki öllum prófunum... sem er slæmt upp á námslánin að gera... en hins vegar náði ég árinu of course, enda er ég enginn aukvisi þegar kemur að námi, mér bara tekst alltaf að láta eitt og eitt fag sitja á hakanum þangað til það er of seint að grípa í rassinn... (veit ekki hvert ég ætlaði með þessu, langaði bara að nota "seint í rassinn gripið") - Stefni ég því hér með að komast á forsetalistann á næstu önn, og jájá, gerið bara grín að mér... bíðið bara og sjáið sko!

4. Ég hef farið nokkrum sinnum í sund síðustu tvær vikur og mun það verða sumarsportið mitt. Tedda frænka gaf mér líka þessi brilliant sundgleraugu með styrkleika svo nú er ég ekki lengur eins blind og ég var áður. Þetta var orðið vandamál ef ég fór með fólki í sund, ef það labbaði frá mér eða synti... þá bara sá ég það ekki meir! Nú syndi ég eins og herforingi með fulla sjón yfir sundlaugina... en aftur á móti er ég farin að sjá hvað sundlaug er í raun ógeðslegur staður, sbr. hár, pappír(kannski klósettpappír úr rassinum á einhverjum sveittum?), sandur, skordýr o.fl. nasty í vatninu... ó boj sko!

5. Mig langar vestur í sumar, þannig að þið sem þorið út fyrir borgina í sumar, látið mig vita og við förum í roadtrip á Vestfirðina. Natural hot-tub, grill og náttúra í boði... og meira að segja er komið gsm samband á ströndina, svei mér þá!!! Og by the way, Birkihlíð rokkar... eða eins og pabbi segir: "rock solid!"

6. Þetta verður frábært sumar og hef ég á tilfinningunni að eitthvað mjög áhugavert muni gerast!

7. Og nú ætla ég að liggja og glápa á video um helgina, ekkert djamm krakkar mínir...

Nuff said

2006-06-05T21:55:00.000Z

Invincible...

samt eitthvað vitlaus dagsetning því þetta var á djamminu í gær úje...

2006-06-04T21:41:00.000Z

Hey...

Þarf ég ekki að fara að halda partý bráðum ?

2006-05-30T19:30:00.000Z

Ísland, bezt í heimi

Já ég elska íslenskar sumarnætur... gjörsamlega það sem fær mann til að fá heimþrá ef maður er staddur erlendis... Ég er ein af þeim sem elskar að vakna með sólina í andlitinu á morgnana... og vita hvorki hvort það sé dagur eða nótt 3 mánuði á ári, mér finnst það töfrandi :)

2006-05-27T20:04:00.000Z

Smári stúdent!

Einn alveg agalega sætur með hvíta kollinn! ...enda er stóra systir rosalega stolt... :o)

2006-05-25T00:39:00.000Z

Þennan dag, árið 1983, kl.03:11 að nóttu til... þá fæddist ég.

Af því tilefni hef ég ákveðið að gefa öllum frí frá vinnu og/eða skóla í dag... verði ykkur að góðu!

2006-05-17T18:04:00.000Z

Bzz...

Gaur - lokaverkefnið í stofnun fyrirtækja er BÚIÐ!!!

Annars langaði mig að koma með smá sögu um mig og sérstakar loðnar vinkonur mínar.

Ég er haldin ofsahræðslu við býflugur, randaflugur, hunangsflugur, geitunga og fleiri lífverur sem eru minna en 10 grömm, geta flogið og bera spjót á milli rasskinnanna... en ég er þó hræddust við þær fyrrnefndu röndóttu stöllur.

Ég vaknaði hérna einn morguninn í síðustu viku við suð uppi í glugga. Jújú, allt í lagi, þær koma stundum inn en sjaldan gegnum gardínuna. Ég ákveð bara að toga sængina upp fyrir haus og liggja aðeins lengur. Heyri ég ekki bara að vinkonan er að suða kringum höfuðið á mér og GREINILEGA að reyna að komast undir sængina. Ég sturlaðist úr hræðslu, öskraði"NEI NEI NEI!!!" og stökk fram úr rúminu. Ég fór greinilega fram úr í það miklu hendingskasti að ég fékk sinadrátt í kálfann sem gerði það að verkum að ég skakklappaðist á fullri ferð að herbergishurðinni og dúndraðist á hana af miklum krafti, sem virtist vera læst af einhverjum ástæðum... Eftir þetta atvik kom ég titrandi og skjálfandi fram og bað mömmu vinsamlegast um að bjarga mér úr lífsháskanum þar sem ég var handviss um að hún væri að reyna að drepa mig, þ.e.a.s. flugan... ekki mamma.

Annars vaknaði Smári með eina í andlitinu 2 dögum eftir að ég fékk móðursýkiskastið út af minni flugu... það vöknuðu upp samsæriskenningar hérna heima um að ég hefði einfaldega sett mína í krukku og sleppt henni inn til Smára. I'd rather die, ég kem ekki nálægt þessum andskota!!!

Ég gjörsamlega þoli ekki þessi dýr. Mér varð meira að segja flökurt bara við það að finna myndir af þeim fyrir þetta blogg... poj!
Jújú... fólk getur alveg sagt við mig "Hey, þær gera þér ekki neitt...djöfull ertu kreisí!" ÞETTA veit ég alveg... en fær mig engan veginn til að slaka á, ég hata þessar loðnu lufsur! Ég er logandi hrædd við að vera stungin... það er ástæðan!

Ég er samt alvarlega að spá í að setja mynd af þessum kæru vinkonum mínum á desktop-ið á tölvunni minni og sjá hvort ég haldi ekki kúlinu fyrir framan skjáinn án þess að væla, æla eða hlaupa burtu, hristandi hárið á mér til, svo ég sé örugglega ekki með þær í hárinu.

2006-05-15T23:13:00.000Z

Tímamót...

Ég fékk þá staðfestingu um daginn, nákvæmlega 9.maí, að litli bróðir minn er að verða fullorðinn. Í fyrsta lagi fór ég til dyra daginn áður og þar stóðu 2 stelpur og spurðu eftir Lárusi. Jújú ég var orðin vön þessu með Smára fyrir löngu en hélt það myndi líða langur tími þangað til Lárus færi að taka þátt í þessu stelpustandi.
Jú ok, förum aftur að 9.maí... Ég kom heim um kvöldið úr verkefnavinnu, heyrði mannamál og leit því niður í portið fyrir neðan hús því ég vissi að Lárus og vinir hans fengu leyfi til að graffa á veggina þar. Neinei, sitja ekki bara nokkrar stelpur og skríkja þarna hjá þeim. Halló... þetta er litli bróðir minn, hann á ekkert að kyssa stelpur eða hanga með þeim!!!
...en bíðið aðeins, þegar ég var í 8.-10.bekk var ég alltaf að hanga með mínum strákavinum... kannski vil ég bara halda í að hann sé "litli bróðir" forever and ever, amen! En já anyways, sjáið hvað þeir eru flinkir að graffa ?

2006-05-13T23:59:00.000Z

Vísó í gær

Setti inn ritskoðað albúm síðan í gær... hérna eru nokkrar ágætar ;)

2006-05-08T00:23:00.000Z

Weird...

Ok, barnið á þessari mynd er ekki að fíla sig í batman búning, eins og sést ef að er gáð, þá er litla skinnið hágrenjandi! ... ég held líka að það sé ekkert sniðugt að setja grímur og drasl framan í ungabörn!!!

2006-05-03T01:21:00.000Z

Eeww...

Ég sá einhvern nýjan þátt á Skjá Einum í kvöld, "Too Posh To Wash", og stelpan sem var tekin fyrir boraði í nefið og setti horið alltaf í vasann... hversu ógeðslegt er það!?!?!

2006-04-30T20:19:00.000Z

Á djamminu í gær...

Rasgarta She-Hulk strikes again...

Lag dagsins: Crazy með Gnarls Barkley

2006-04-28T19:21:00.000Z

Heyrst hefur...

... að Þór, leiðbeinandi í Stofnun fyrirtækja, sé að heilla stúlkurnar upp úr brókunum uppi í Mbl (",)

Sel það ekki dýrara en ég keypti það!

2006-04-27T23:52:00.000Z

Smá misskilningur...

Ég var að skoða einhverja síðu sem Jana benti mér á... writeaprisoner.com og fannst alltaf stórfurðulegt að fólk væri að sitja inni í tugi ára fyrir að ráðast á fólk með flugeldum - já góðan daginn... firearm = ekki flugeldar, heldur byssur, veit ekki hvernig ég fékk þá hugmynd að það væri verið að tala um flugelda! ...Blonde!

Og talandi um hárið á mér... ég held að hárblásurum sé virkilega í nöp við mig. Ég var að blása á mér hárið um daginn og haldiði ekki að hárblásarinn minn hafi bara drepist, hætti að blása og það kom bara blár reykur úr honum... funky smell!
Allavega, þá fékk ég hárblásarann hennar mömmu lánaðan nokkrum dögum seinna, ekki gekk það betur en svo að lokkur úr hárinu á mér sogaðist inn í hann og bráðnaði... frekar spes!

2006-04-25T12:05:00.000Z

Kemstu auðveldlega úr stígvélunum þínum?

Skemmtileg könnun sem ég var að taka þátt í...

Síðasta staðhæfingin fékk mig allavega til að hlæja aðeins upphátt m.a.s.!

"Ég hef verið föst/fastur í skónum/stígvélunum mínum"

Hehe...

2006-04-25T08:41:00.000Z

What is happening hér eiginlega ?!?

Ég vaknaði kl. 7:00 í morgun, þreif allt og snurfusaði, tók til kaffi og með því og sit núna uppi í stofu, nýsturtuð að hlusta á róandi gítartónlist - fékk ég högg á höfuðið ?

Neinei, mín er bara að reyna að standa sig... er að fá hópinn minn í stofnun fyrirtækja í heimsókn kl. 9 og ákvað frekar að vera pínulítið fersk í stað þess að þjóta til dyra nývöknuð og "hress" á slaginu níu! Væri samt týpískt ég að sofna hérna í sófanum rétt áður en fólkið mætir á svæðið haha!

Seriously að spá í að fá mér þennan bol!

Jæja, over and out...

2006-04-18T18:45:00.000Z

Hahaha...

Ef þið farið inn á Suðurland.is og sjáið auglýsinguna efst... hehe fyndið...

Passamyndir... tek að mér að passa myndir
Barnapíur ... tek að mér að...

2006-04-17T11:59:00.000Z

Blekking!

Tja... það var páskadagur í gær og ég fékk páskaegg frá ömmu. Jú páskaeggið var stórt og fínt og lofaði góðu. Ég ætlaði nú svoleiðis að dúndra á páskaegginu eins og maður gerði í gamla daga til að brjóta það en neinei, það molnaði bara niður... örþunn súkkulaðiskel!
Þegar ég var krakki var varla hægt að brjóta eggin því þau voru svo þykk, maður var kominn með sérstaka aðferð með borðhníf til að ná egginu í sundur... en nú eru þau bara næstum gegnsæ!
Það næsta sem kom mér nú skemmtilega á óvart var hversu mikið af nammi var í egginu. Allt innpakkað og flott og m.a.s. heilt Tromp inni í því! Miklar framfarir þar á ferð verð ég nú að segja! Skemmtilegra en þegar maður var búinn að þjösnast á páskaegginu með borðhníf í heillangan tíma fyrir 2 bingókúlur og eina karamellu!
Samt sem áður var nú eitt sem ég furðaði mig á... það var þetta Smarties sem var í egginu, er ég orðin geðveik eða var Smarties ekki vanalega örlítið stærra en þetta? Hálfgert álfanammi þarna á ferð!

...Ok ég viðurkenni það að það gerist ekki mikið hjá mér þessa dagana, ég sef til þrjú og ég er ekki að læra heldur sit ég við skrifborðið mitt og pæli í innihaldinu á páskaegginu mínu. Júúú... ég er auðvitað búin að djamma af mér rassgatið, 5 kvöld af 7 í síðustu viku var ég mætt á djammið... og ég fór á hestbak í gær...
I have a life!!!

Málshátturinn þetta árið: "Betra er að játa sannri sök en neita"

2006-04-15T14:20:00.000Z

Sleeping Beauty

Ég sef svo mikið þessa dagana að það mætti halda að ég væri að leggjast í dvala.

2006-04-14T17:20:00.000Z

Manimals...

Ég var að gúggla eftir desktop mynd á tölvuna mína og fann ÞETTA - ég skil ekkert í þessu en myndirnar eru áhugaverðar...

2006-04-13T22:08:00.000Z

Food ?

Grænt jelló og nýpoppað popp... það er alveg að virka saman!

2006-04-11T22:30:00.000Z

Constipation anyone?

Ég er manneskjan sem ætlaði aldrei í karókí á ævinni, en mætti galvösk á Ölver í gærkvöldi og tók "More Than Words" með Tinnu. Ætluðum sko upphaflega að taka "I just died in your arms tonight" en greinilega búið að nauðga laginu þarna, því diskurinn var rispaður. En poj, er einhver með hægðatregðu á þessari mynd eða hvað...?

Fleiri myndir af próflokadjamminu HÉR!!!

2006-04-10T08:07:00.000Z

Búin á því

Krökkum fannst herbergið mitt mjög áhugavert í veislunni í gær. Það var farið ofan í allar skúffurnar mínar sem eru alveg heilar tvær... og náð í rakvélarnar mínar, danska fánann minn, stuðkveikjarann minn, fiskamatinn, meiköppið mitt og sólgleraugun og labbað með þetta um húsið! (Eins gott ég faldi vel allt fullorðinsdót öhömm!) Einnig héldu börnin stríð bæði í mínu rúmi, og rúmi mömmu og pabba, sem fólst í því að hoppa í rúmunum, hoppa á þau, hoppa á hvort annað o.s.frv. Ég brá á það ráð að læsa bara herberginu mínu!
Þegar ég kom inn til mín í gærkvöldi til að læra aðeins, þá fann ég hin ýmsu tæki og tól kringum fiskabúrið, eins og blokkflautu, svona járnbrautarteina undir legobíla og fleiri leikföng... sem voru svona í lengra lagi skiljiði? Þá höfðu einhverjir álfarnir verið að reyna að veiða fiskana mína með þessum hlutum. Það útskýrir líka allt súkkulaðikámið á fiskabúrinu og hversu taugatrekktir grey fiskarnir eru í dag!
Veislan var samt æði, það gekk allt eins og í sögu og Lárus var ægilega sætur í teinóttu jakkafötunum sínum, bleiku skyrtunni með bleikröndótta bindið... algjör töffari!

Ég er að fara í síðasta prófið mitt eftir tæpan klukkutíma, held ég nái því ekki... sé fram á þrefalda endurtekt í maí - takk fyrir, amen!

P.s. takk Bára fyrir alla hjálpina í gær, hefði ekki getað þetta án þín!

2006-04-08T14:14:00.000Z

Þessi færsla er í boði Visa Ísland...

Jana í nýju nauðsynlegu inniskónum sem munu hjálpa mikið til við lesturinn hérna í Mbl!

2006-04-06T18:16:00.000Z

10.000

Hver verður tíuþúsundasti gesturinn ?!? Ég skal bjóða viðkomandi upp á bjór og skot!

p.s. teljarinn er fyrir neðan linkalistann...

2006-04-02T13:02:00.000Z

...í Mbl í gær

- Pétur henti flöskum í fólk
- Pétur var grýttur með nammi
- Jana óverdósaði af nammi
- Skutlan Herdís varð til
- Hver er maðurinn?
- Jana klámgoggaði fólk
- Ingó var perri...
- Tinna var lögð í einelti og hún sippaði til að gleyma
- Tinna, Snefa og ég fórum í snúsnú
- Baseball með súkkulaðikúlu og plastflösku
- Það má víst ekki tala á hópavinnusvæðinu
- Fólk sem fer í próf á mánudaginn er mikilvægara en við, remember that!
- ...já og svo lærðum við smá
- Ungfrú 3 kaflar fór á taugum

2006-03-30T16:05:00.000Z

...USS!!!

...ég er að læra

2006-03-28T16:21:00.001Z

Ósmekklegt

Ég veit ekki hvaða ómenni datt þetta í hug... en svona lagað finnst mér ekkert svakalega fyndið!

Hins vegar er ÞETTA skuggalega fyndið... sérstaklega þessi síðasti!

2006-03-25T18:57:00.000Z

Ó hve glöð er vor æska...

Já við Jana skelltum okkur með 10 mínútna fyrirvara eða svo í bjórvissuferðina í gær. Við byrjuðum hressilega og sturtuðum í okkur eins og 5 skotum á mann á innan við 15 mínútum og vorum komnar í gírinn áður en fólk náði að blikka auga sko! Eftir að hafa hrist á okkur rassinn í afrískum dönsum ákváðum við að vera dálítið gáfaðar og taka nesti með okkur í kosningapartýið í Egilshöll. Það fór nú ekki verr en svo að 8 bjórar enduðu í Mary Poppins töskunni minni, plús þeir sem við héldum á... Say no more!

Við mættum galvaskar upp í Egilshöll, þar sem Jana tók frá hótelherbergi fyrir tvo á gistiheimilinu ef ske kynni að það myndi fiskast vel um kvöldið á meðan ég ræddi við æsku landsins um skaðsemi áfengis á heilann og mikilvægi þess að fara í háskóla því þar lærir maður á lífið og myndarlega karlmenn... og tók í nokkra karlmenn sem þarna voru staddir til að leggja áherslu á mál mitt! Ein lítil pía þóttist svo kannast við mig, svo ég lét mig hverfa á stundinni. Tja... svona er þetta að hafa starfað í grunnskóla, maður má hvergi haga sér illa á almannafæri, þá eru einhver börn komin og þykjast kannast við mann öss!!! Og bíddu, þarf að koma því að... að það er ekki sniðugt að halda háskólapartý á stað þar sem íþróttaæfingar eru eftir kvöldmat... uss, börnin störðu skelfingu lostin á liðið sem skrölti þarna um peðölvað!

Við Jana eignuðumst nú samt litlar vinkonur sem kunnu "Til hamingju Ísland" frá a-ö og spurðu okkur hvers vegna við værum með bjór í glasi.... ekki var ég svona gáfuð þegar ég var 5 ára. Ég lék mér bara með pónýhesta og drakk kakómalt. Ég ákvað nú að taka mynd af litlu krúttunum en því miður er myndin hrist... Og já, bjáninn ég lét börnin halda á áfenginu á meðan... hvers konar fyrirmynd er ég eiginlega!

Við náðum á endanum að komast upp í kosningapartýið á þriðju hæð eftir að hafa verið meinaður aðgangur að skautasvellinu á annarri hæð... wonder why! En já, partýið var kúl, fyrir utan einhvern slepjulegan mann sem elti mig um allt og vildi ólmur fá símanúmerið mitt því einhverjum fannst sniðugt að segja honum að ég væri "þvílíkt hot fyrir honum" - hver ætli það hafi verið hmmmm ?!?!?!?
Ég uppskar líka góðan marblett á vinstra lærið því mér finnst agalega gaman að detta í stigum, sérstaklega með fullan bjór í hönd þannig að það fari örugglega bjór yfir mig alla líka... I love it

Takk kærlega fyrir skemmtilegt kvöld Jana mín, þetta var alveg magnað!

p.s. ég virðist hafa verið á útopnu í gærkvöldi því ég hringdi víst í Tinnu og bauð henni viðbótarlífeyrissparnað og/eða inngöngu í Krossinn... ho ho ho!

Nuff said...

Ég vil svo í lokin óska Báru minni innilega til hamingju með afmælið í dag... ég vil að allir hugsi vel til hennar, held það sé fátt eins leiðinlegt og að vera veikur á afmælisdaginn sinn!

Innskot fyrir lillebror:
Hann Lárus bróðir átti líka afmæli á laugardaginn... kappinn bara orðinn 14 ára... Klöppum fyrir honum! (",)

2006-03-21T20:53:00.000Z

Make-over

Fann svo brilliant forrit á netinu, var að tapa mér í gleðinni í dag... hér eru nokkur sýnishorn!

2006-03-20T09:58:00.000Z

Aulahúmor...

Mér finnst fyndið þegar texti er þýddur orði frá orði yfir á annað tungumál og hef stundum legið í krampa yfir þessu. B2 linkar á fyndna síðu í dag, ég þýddi t.d. bloggið mitt yfir á ensku hérna og það kom helvíti fyndið út... T.d. er "Gestabókin" þýtt sem "Hotel Register" - hehe

kv. Rósa
konan sem þykist vera að læra

2006-03-19T18:13:00.000Z

Dead bored?

Ég hef ráð undir rifi hverju þegar fólki leiðist - Believe it or not...

//tinna says:
mér finnst eins og ég sé búin að skoða allt á netinu sem hægt er
//tinna says:
hvað er hægt að skoða
Rosie O'Donnell says:
http://www.vatican.va/
//tinna says:
takk rósa
//tinna says:
Hahaha
Rosie O'Donnell says:
hehehe
Rosie O'Donnell says:
http://www.cosmeticsurgeryoz.com/nose/aanosesurg.htm
//tinna says:
thanks man
Rosie O'Donnell says:
http://www.francesfarmersrevenge.com/stuff/archive/oldnews2/albino/index.htm
//tinna says:
ertu að gefa eitthvað i skyn
Rosie O'Donnell says:
hahahaha
Rosie O'Donnell says:
http://www.cia.gov/cia/publications/factbook/geos/gh.html
//tinna says:
hvernig dettur þér þetta í hug...
Rosie O'Donnell says:
ég bara veit það ekki
Rosie O'Donnell says:
http://www.wilderness-survival-skills.com/ediblebugs.html
Rosie O'Donnell says:
http://www.heptune.com/farts.html

2006-03-16T10:11:00.000Z

Gylliboð... gyllinæð?

Ruslpóstur er mjög algengt vandamál, þá sérstaklega á hotmail emailum. Ég hins vegar hef undanfarið farið að meta bréfin sem ég fæ miklu meira. T.d. frá tveimur konum sem heita Hórný Anníta og Hörny HouseWife. Þær vilja endilega hitta mig og stunda fullorðinsleikfimi með mér. Einnig hafa nokkrir menn sem kalla sig mr.P.enis Enlarg. næstum sannfært mig um það að mig vanti stækkun á getnaðarlim mínum. Hver er að tala um að þetta fólk viti ekki hvað það er að tala um ???

2006-03-15T12:46:00.000Z

Pæling...

Ég og Bára erum að rabba saman á msn eins og við gerum reglulega... Heimspekilegar pælingar í gangi eins og vanalega...

BáraKlára says:
...mér finnst garnið hennar mömmu í Osló furðulegra
(mamma Báru bað okkur semsagt um að kaupa garn fyrir hana í vissri búð í Osló þegar við skruppum þangað í helgarferð frá Köben, sumarið 2002)
Rosie says:
já shit... það var skrýtin sendiför
BáraKlára says:
en við römbuðum á búðina helvíti öflugar
Rosie says:
já við vorum helvíti góðar
Rosie says:
enda veraldarvanar snótir
Rosie says:
snót í fleirtölu... af hverju er það ekki snætur? hehehe
Rosie says:
snótir, snótur, snótar
BáraKlára says:
snótir
Rosie says:
dóttir... snót dætur... snætur

Pirringur dagsins:
Fjármálaverkefnið, þá sérstaklega dæmi 3.b og d og kannski a og c líka. Djöfull...

2006-03-11T18:31:00.000Z

Árshátíð HR 2006

Árshátíðin var rosalega vel heppnuð! Það var bara einn mínus: Ælusletturnar sem við Tinna fengum á lappirnar á okkur þegar ein stelpa í bekknum okkar ældi fyrir framan borðið hjá okkur rétt eftir forréttinn. Maður er hins vegar soddan trukkur, fór bara inn á klósett og þurrkaði ælukögglana af skónum!
Kvöldið var annars hreint út sagt æðislegt... maturinn var frábær, Paparnir magnaðir og Páll Óskar geggjaður í hléinu... og að ég minnist nú ekki á staðinn, hann er auðvitað skuggalega flottur!

Seinna um kvöldið fórum við svo í bæinn... og svo skrapp ég á Players og ég veit ekki hvað og hvað...
Innskot fyrir Louie:
Tja... ferðaáætlun kvöldsins var eftirfarandi: Grafarvogur-Grafarholt-miðbærinn-Kópavogur-miðbærinn-Grafarvogur og ENGINN leigubílakostnaður... einhvern veginn fór það alltaf þannig að það var fólk sem bauðst til að keyra mann og ég þakka því fólki kærlega fyrir! (",)

Huldís, takk æðislega fyrir meiköppið - við vorum drop dead gorgeous!

Nokkrar myndir af okkur Tinnu HÉR...

2006-03-06T16:06:00.000Z

Nú verða sagðar veðurfréttir...

Veðrið er og verður viðbjóðslegt fram eftir degi. Suðvestan rokrassgat og slagviðri mun vera frá morgni til kvölds, alveg slatti af metrum á sekúndu. Skiptast mun á rigningu og slydduél í helvítis stinningskalda allan daginn og mun ekki lægja með kvöldinu. Fólki er endilega ráðlagt að klæða sig mjög illa og fara í göngutúr. Hiti = enginn.

Takk fyrir

2006-03-02T21:20:00.000Z

Heimska mannkynsins

Það var einhver vesalingur hérna í Grafarvoginum sem réðst á pizzasendil í fyrrakvöld og ógnaði honum með priki eða einhverju álíka barefli. Kauði hrifsaði pizzuna af sendlinum, bíllyklana og 2þúsundkall og hljóp í burtu.

Ok nú verð ég að spyrja... HVAÐ fær fólk til þess að gera svona lagað? Gekk maðurinn út heima hjá sér og hugsaði "Ahh... tilvalið kvöld til þess að stela pizzu!"!?!

Ég hristi nú bara höfuðið yfir svona löguðu!

2006-03-01T21:22:00.000Z

Taka tvö...

Já ég veit ekki, þið getið séð afganginn af myndunum hjá Viggu - HÉR -

Við skemmtum okkur allavega vel!!!

2006-02-27T08:11:00.000Z

Ávallt á varðbergi!

Ég hef löngum vitað að ég sé örlítið spes. Ég vakna upp við hin ýmsu hljóð þegar ég er sofandi,t.d. við það ef dælan í fiskabúrinu er ekki að dæla í réttum takti o.fl.... en ég held að ekkert geti toppað það hvernig ég rauk upp fyrir svona korteri síðan.
Ég vaknaði við það að ég heyri vatn dropa á gólfið. Jújú, ekki vanalegt hljóð í herberginu mínu svo ég vakna. Stundum gerist þetta nú að vatn leki á gólfið, en bara úr gluggakistunni ef mikil móða er á glugganum eða raki eða what ever... svo ég teygi mig í handklæði og fer að þreifa á gluggakistunni, en hún virtist vera skraufþurr?! Ég kveiki þá allt í einu á öllum bjöllum og hugsa: "FISKABÚRIÐ!!!" Haldiði ekki að fiskabúrið mitt sé byrjað að leka og allt rennandi blautt í kringum það og nýbyrjað að leka á gólfið!!! Shit, 45 lítrar takk... sá fyrir mér að vakna á eftir og finna fiskislorlykt, stíga á rennandi blautt ónýtt parket og fiskagreyin bara í andarslitrunum á botninum á búrinu... en sem betur fer vaknaði weirdo-inn ég og það stefnir allt í það að ég eyði morgninum í að redda þessu...

2006-02-24T19:33:00.000Z

Ómissandi & Traustvekjandi...

Ég ákvað að hnupla nokkrum myndum hjá henni Viggu minni. Þannig er nefnilega mál með vexti að við tökum oft svona myndasyrpur af okkur á djamminu, sem enda oft bara í einhverju bölvuðu rugli. Við getum orðið dálítið spes á djamminu. Ég er m.a.s. eins og rangeygður og nefstór dvergur á einni hérna fyrir neðan! ...vesgú!

P.s. ég er byrjuð að fara í ljós, ég er ekki lengur svona glær og blá eins og á þessum myndum... jesús ég er eins og liðið lík! Án gríns... ég er scary! Svona mér til varnar, þá ætla ég að kenna flassinu og birtunni aðeins um þetta... hárið á mér er líka ekki alveg rétt á litinn þarna...

P.p.s. hefur einhver séð auglýsinguna á Skjá 1 um myndina "Two for the money" ? Maðurinn segir alltaf "Matthew Magonnagay" - shit hvað það pirrar mig!

Nuff said...

2006-02-22T17:17:00.000Z

Hvernig er ég?

Fannst þetta sniðugt hjá Tinnu og Kára -> Please push here! <-

2006-02-20T16:59:00.000Z

...Úje

Ég var förðunarmódel hjá Huldísi áðan í svart-hvítri förðun, sjáið hvað hún er flink!!!

...og komin með nýju gleraugun á nefið!

Það er ekki amalegt að eiga svona hæfileikaríka vinkonu haaa...!

2006-02-20T01:50:00.000Z

Hlæ hlæ hlæ...

ÞETTA fær alla til að brosa, eða eins og mig... setja þetta á repeat og grenja úr hlátri!

2006-02-16T17:16:00.002Z

Hvað er málið ?

Ég var að ná mér í nýtt þema í símann minn... ég vil jú að hann sé sem flottastur! Fyrir valinu varð svona rosaflott animated þema með fossi sem hreyfist, voða rómó og flott... friðsælt og fallegt! Minnir mig pínulítið á fossinn sem þau finna í fyrstu seríu af LOST...

ALLAVEGA... Svo þegar ég fer í valmyndina: "skrifa nýtt textaskeyti" sjást alltaf einhverjir pínulitlir stafir neðst í bakgrunninum sem ég er búin að vera að horfa á í allan dag. Svo loksins fann ég út að þetta er netsíða og hvað haldiði að hafi komið upp þegar ég testa hana... ? Alveg my luck...

"Datedick Mobile - Adult Mobile Entertainment for Bi Men into Men"
...Finnst þetta eiginlega ekkert tengjast svona náttúrubakgrunni... ég vil ekki móðga neina samkynhneigða karlmenn eða bi... finnst bara skrýtið að pota inn svona linkum á svona staði!

2006-02-14T21:04:00.000Z

MSN orðheppni...

Sævar B says:
hvernig er það nú, ert þú ekki voða góð í dönsku?
Rosie says:
jújú ég er nú helvíti sleip í henni
Rosie says:
þ.e.a.s. dönskunni
Rosie says:
þessi setning var mjög... spes
Sævar B says:
hehe sussubía, mig varðar ekkert um "hana"

2006-02-12T19:59:00.000Z

Fullt tungl?

Ég fór í sunnudagsbíltúr áðan. Var ekki komin lengra en niður á Fjallkonuveg þegar ég lendi í veseni með sturlaðan bílstjóra.

Ég var á eftir einhverjum jeppa, bara að bíða eftir að komast inn á veginn... nokkrir bílar búnir að keyra framhjá og allt í góðu. Allt í einu kemur einhver snargeðveikur maður þegar ég og gæjinn á undan mér vorum að keyra inn á Fjallkonuveginn, gefur í, situr á flautunni og keyrir næstum utan í mig. Örlítið skelkuð keyrði ég bara áfram og tilbúin að gleyma þessu!
Viti menn... kemur ekki gaurinn og keyrir upp í rassgatið á mér, flautandi og í einhverjum sikk sakk akstri fyrir aftan mig. Ég varð svona örlítið pirruð og ákvað að beygja bara inn einhverja götu í Foldahverfinu til að sjá hvort hann færi ekki bara framhjá mér. NEI því miður! Hann elti mig inn í götuna, keyrði upp við hliðina á mér og sveigði fyrir mig þannig að ég þurfti að nauðhemla svo ég færi ekki inn í hliðina á honum!
Á þessum tímapunkti var hjartað í mér farið að slá hraðar en í hænu þegar tófa kemst í hænsnakofann sko! Það bætti heldur ekki úr skák þegar hann gekk að bílnum og steytti hnefana framan í mig... ég ákvað að teikna skýringamynd af þessu atviki... (og já, það er viljandi gert að setja lítið typpi á gaurinn á myndinni... pottþétt svona snarklikkaður gaur með minnimáttarkennd!)

Ég setti í bakkgír, bakkaði eins og ég ætti lífið að leysa inn í eitthvað útskot og brunaði svo í burtu! Ég titraði af hræðslu og vissi ekki hvað ég ætti að gera, keyrði í hringi í Grafarvoginum og niður í bæ, þorði engan veginn að fara heim til mín af ótta við að gaurinn biði fyrir utan heima hjá mér! Eftir á að hyggja er ég hrikalega fegin að hafa ekki drepið á bílnum eða eitthvað álíka í þessari krísu, ég hefði án gríns hlaupið grenjandi í burtu eins og ég ætti lífið að leysa!

Helgin var annars mjög fín. Það var geggjað að hitta Hrönn og Huldísi í gær og Jet Black Joe klikka aldrei á balli! :)

2006-02-10T09:30:00.000Z

Bojojong...

Ætli maður þurfi ekki að taka þátt í þessari vitleysu eins og allir aðrir! Tinna, thanks man!

Fjórir staðir sem ég hef unnið á um ævina:

Hyrnan, Borgarnesi
Admiral Hotel, Köbenhavn
Ingunnarskóli, Reykjavík
VÍS, Reykjavík

Fjórar bíómyndir sem ég gæti horft á aftur og aftur:

My Best Friend's Wedding
Shrek 1&2
Ace Ventura 1&2
Love Actually

Fjórir staðir sem ég hef búið á:
svona til dæmis...

Barðaströnd
København
Kleppjárnsreykir
Búðardalur

Fjórir sjónvarpsþættir sem mér líkar:

LOST
My Name Is Earl
Family Guy
C.S.I.

Fjórir staðir sem ég hef heimsótt í fríum:
Ok þetta er svindl... ég hef ekkert farið svona mikið til útlanda eins og allir!

Ísland
København
København
Osló!

Fjórar síður sem ég skoða daglega (fyrir utan blogg):

www.ru.is
www.myspace.com
www.google.com
www.hotmail.com

Fernt matarkyns sem ég held uppá:

Súkkulaði
Kotasæla
Ananas
Lifrarkæfa

Fjórar bækur sem ég les oft:

Ok... ég er án gríns minnsta bókamanneskja sem fyrirfinnst, þrátt fyrir að hafa orðið fluglæs 4 ára! Ég les dagblöð, leysi krossgátur... en nei, ég les ekki bækur!!!

Fjórir staðir sem ég myndi heldur vilja vera á núna:

Undir sæng, sofandi
Sólarströnd, því ég hef aldrei prófað það
Í fanginu á draumaprinsinum, undir sæng, sofandi
og auðvitað í København!

Fjórir bloggarar sem ég klukka:
það verða allir að prófa þennan fjanda...

Bára
Louisa
Siggi
Tulla

2006-02-08T22:40:00.000Z

"It's easier to dig a hole than build a pole" - gaur í Law and Order

2006-02-08T20:23:00.000Z

Louisa... þetta er fyrir þig

Kollhnís = stinga niður höfðinu og kasta sér áfram á bakið.
Kollur = höfuð, efsti hluti höfuðs
Að hnísa = steypa sér/stingast

Uhh... ég fór ekki og fletti þessu upp í orðabók, það er lygi!!!

Quote dagsins:

"I've been wanting to meet George Lucas since I was a foetus!" - Seth Cohen, O.C.

2006-02-06T11:19:00.000Z

Um absúrd hluti...

Ég steig á vigtina inni á baði á laugardagsmorguninn og hún sýndi að fallþungi minn væri 48.1 kg - held ég tilkynni ekki á heimilinu að vigtin sé biluð, ég ætla bara að standa í þeirri trú að hún sé að segja mér alveg satt. Held það séu án efa allavega 15 ár síðan ég var 48 kg en það er annað mál!

Næsta mál á dagskrá: Ég lenti í því í gærdag að vakna með eitt stk skrímsli á hægri eyrnasneplinum. ca. 3 mm frá eyrnalokkagatinu... (Ég segi hér gærdag því ég vaknaði kl. 17:34 takk fyrir) JÁ, ég get með sanni sagt að ég hef aldrei fengið bólu á þessum stað áður og hún var alveg stór sko... þetta jók vindmótstöðu mína um alveg marga metra eða eitthvað... veit ekkert hvernig vindmótstaða er mæld!
Nú verð ég að spyrja, hvar er skrýtnasti staður sem þið lesendur góðir hafið fengið bólu á ?

2006-02-02T09:50:00.000Z

Needle numbness?

Ég fæ oft náladofa. Einu sinni var ég með náladofa í hægri löppinni í marga mánuði! Það var reyndar út af hnéaðgerð sem ég fór í sem gerði það líka að verkum að ég missti tilfinninguna framan á hægri leggnum. Siggi skaut m.a.s. úr svona leikloftbyssu í fótinn á mér til að gá hvort ég fyndi fyrir því... sem ég gerði ekki heldur fékk bara voða fínan rauðan blett á legginn.
ÞAÐ var nú samt ekki það sem ég ætlaði að ræða núna!
Náladofi... hann er hressandi! Ég sit oft á rúminu mínu í tölvunni og er þá með aðra löppina hangandi niður á gólf og hina svona straight forward við hliðina á tölvunni... þá fæ ég náladofa í þá sem er uppi á rúminu. Svo ef ég sit of lengi á hörðum stól, þá fæ ég náladofa í rassinn... það er voða skrýtin tilfinning! En það sem ég var að spá í er það hvort fólk lendi nokkurn tíma í því að fá náladofa í andlitið? Ef svo er, þá langar mig að vita það...

Var bara að pæla

2006-02-01T16:26:00.000Z

Ho ho ho!!!

ÞETTA er sjúklega fyndið... og já, það er hljóð með!

2006-01-30T15:59:00.000Z

Dogshit or chocolate... ?

2006-01-29T17:24:00.000Z

...

... en gaman að sjá svona fréttir:

ÞETTA HÉR!